Indoneziýanyň gurulmagynda iň uly faktor Yslam - [2]

Indoneziýanyň gurulmagynda iň uly faktor Yslam

300-e golaý etniki topary öz içine aýlan 17 müň indonez adalarynyň birleşmegi elbetde aňsat bolmandygyny Hajy Abdurrahman ýaşuly öz sözüniň dowamynda belleýär:

“Örän giň geografiýa ýaýylan, birnäçe etniki topardan emele gelen, galyberse-de her biri aýry aýry dillerde gepleýän bir jemgyýetiň birleşmegini iň köp aňsatladan faktor Yslam boldy. Yslam bölüji däl jebisleşdiriji, söweşçi däl, parahatçylyk dinidir. Indonezýanyň 90 göterim töweregi musulman bolmagy, döwleti gurma prosesini çaltlandyrdy. Aňsatlygy sebäpli umumymilli dil hökmünde Malay dili saýlandy we basybalyjylaryň yzy syryp arassalanyldy.”

Hajy Abdurrahman ähli Yslam älemini parahatçylyga we uhuwwata çagyrýar.

“Yslam kynçylyk dini däl, ýeňillik dini. Yslam Indoneziýa adalaryna 400 ýyl öň geldi. Soňra bolsa ‘Wali Soňo’ diýlip atlandyrylýan 9 öwliýa alymlar tarapyndan ilkinji nobat Jawa adasy bolmak bilen Indoneziýanyň köp ýerlerine ýaýdylar. Ulanan usullary hiç haçan zorbalyk, zorluk, wyjdana basgy öz içine almandyr. Ýerli däplere görkezilen hormat we oňuşuklyk hindu we budist ynançlara degişli adamlaryň ýuwaş ýuwaş hak dine yntykal etmegine sebäp bolupdyr.”

“Musulmanlaryň bilimsizlikden we garyplykda gutuluşy diňe hakyky şahsyýetlerine dolanmak bilen, Allaha takwaly bolmak bilen, dünýewi bilimler bilen ahlaky terbiýä hem ähmiýet görkezmek bilen mümkin. Günbataryň hem musulmanlary dogry tanamagy üçin bu örän zerur.”