Türkmenhowaýollarynyň işgärleriniň goşmaça tölegleri 2 esse köpeldildi.

Prezident Gurbanguly Berdimuhamedow baştutanlygynda geçirlen Ministrler Kabinetiniň Mejlisinden Türkmenhowaýollary gullugynyň işgärlerine şatlykly habar gowuşdy.  Prezident Berdimuhamedowyň gol çeken kararyna laýyklykda, 2008-nji ýylyň 1-nji oktýabryndan «Türkmenhowaýollary» döwlet milli gullugynyň we onuň garamagyndaky awiakärhanalaryň uçuşlaryň howpsuzlygyny üpjün edýän (uçuş düzüminiň, inžener-tehniki düzüminiň howa hereketini dolandyrmak gullugynyň we uçuş bilen bagly beýleki) işgärleriň uçuş işlerine zähmet hakyny tölemek üçin sagatlaýyn, üstüne goşma we goşmaça hasaplanýan tölegleri 2 essä çenli köpeldildi.

  Şeýle hem  «Türkmenhowaýollary» döwlet milli gullugynyň işgärlerine uçuşlary ýerine ýetirmek bilen bagly işler ýerine ýetirilende işiň aýratyn häsiýeti üçin öwezini doluş töleglerini tölemek hakyndaky düzgünnama tassyklanyldy.