Içeri işlerimizde wezipe üýtgeşikligi

Prezident Gurbanguly Berdimuhamedow Içeri Işler Ministrligimizde käbir wezipe üýtgeşiklikleri baradaky karara gol çekdi.

Prezident Berdimuhamedowyň karary bilen Allamyrat Baýramowiç Hajyýew Daşoguz welaýatynyň Polisiýa  müdirliginiň başlygy wezipesinden boşadylyp, Içeri Işler Ministriniň orunbasary wezipesine bellenildi. Hajyýewiň ýerine bolsa Içeri Işler Ministriniň orunbasary wezipesinden boşadylan Isgender Mulikow Daşoguz polisiýasynyň başlygy wezipesine geçirildi.

Ýene-de Mustapa Annamyradow Içeri Işler Ministriniň orunbasary wezipesinden boşadylyp, Mary welaýat Polisiýa müdirliginiň başlygy wezipesine bellenildi. Mary Polisiýanyň başlygy Jumanazar Jumaýew bolsa wezipesinden boşadyldy.